प्रेम भाव

     ✍️ ईशान कोच

जानुना आझि, केने बुके भर्किचे

जोर-जोरे फुले, भित्तरे धर्किचे

भाव जागे, बुके जे नयाँ, जानुना

कार्ह यादे, दिनेरात, रे सर्किचे ॥

एकटी नाम गुन्जे, म’के तानिचे

कार्ह आशात तड्पे, मन्ड कानिचे

मोर सप्नार, रानी कहे जानु जे

तस्विरे छाँपु, देख्वा जदी पानु ते ॥

जाँह तारो बने, मेघते हाँसिचे

मोर माया रुपे, चानसे नाम्हिचे

फूल लाजे गिरे, रुप जे देखिया

अप्सरा मान रे, निक्लिचे साजिया ॥

छाबिचे दौडते, पीपले छाँव ते

पाछु यादे-निदे, भम्लिते भाव ते

तोर रस्ता छु आग्रे, कि बाते क’बो

पास आसे चले जाचि, प्राणे लिबो ॥

भोक-प्यासे नि लागे, निदे भागिचे

रोग केन्ती म’के, गत्तरे लागिचे

तोर नामे डुबे गैचु, आप्ना कहे

प्रेम भावे बहे जाचु, काँटा सहे ॥

“शेष”