✍️ ईशान कोच

खुबे भाचे रानी, मन मगमगाए उठिल रे

पिन्धेचिस् पेटानी, चखु जगमगाए उठिल रे।

बखाने जे ना होक, मन भरिए लेँखु तहके

कुना पाए ऐ दृश्य, मन भरिए देँखु तहके ॥१

गुलाबी ठोटे लाल, मजुसरुपी चूल खुलिए

चला चाल्ढाले गेल, सुरुजमुखी फूल गिरिए।

भराए तोके जे बुक, अकुन भावे बहकिचे

नुकाए छे नैना, सपुन तहरे नाम करिचे ॥२

पखीरे लाखा बोलि, नयन मताचे झन-झने

हराभारा छांवे तल, मन उराचे बन-बने।

गलाते बिच्छा, बेसनड, छट नाके चकमके

इशाराते डाके, तिलड, गर गालेर महके ॥३

मुचूकी हाँसीते हलचल, मने मोर हइचे

मुई ते प्रेमी मोर नसनस, मायाय बहिचे।

रहुँ आसेपासे, गमगम सजा जोबन रसे

भरुँ तोरे बाहा, अकुन रङिया इन्द्रधनुषे ॥४

तुई फूले गाछे, मनत हरियाली करिदिचिस्

तुहे गाए नाचे, मनत खुसियाली भरिदिचिस्।

दुरे ना जा रे, तोरबिन अधरा जीवन र’बे

छुटे जाबे आशार घर, टुटिजाबे मनडते ॥५

 ***शेष***