आजकार बिजी आर कम्पिटिसनेर समयत लाेकला आप्नार पर्सनल आर सामाजिक जीवनेर बिचत बालेन्स करबार बारा कठिन महसुस करते आसेचे। सामाजिक सञ्जालेर असर, कामेर दबाब आर सभे दिनकार जिम्मेवारीर बीचत लाेक ला अप्नार मान सम्मान आर पर्सलन शान्ति दुन्हु बालेन्स करिए राख्बार बहुत चुनौतीर सामना करेचे।

पर्सनल जीवन कहले परिवार, भावना, स्वास्थ आर निजी सोचसे सम्बन्धित हचे आर सामाजिक जीवन कहले समाज, सङ आर बाहारेर भेटघाट से जुराल हचे । इला दुन्हु पक्ष एक–दस्रा से टाँसाल  छे। जदि पर्सनल जीवनत बालेन्स बिग्रिले ते सामाजिक छवि भि प्रभावित हचे, आर सामाजिक मान सम्मानत धक्का लाग्ले आत्मविश्वासत कमी आसेचे।

विद्वान लार कहना, जीवनरक बालेन्स करबार ताने कुछु गफत ध्यान दिबार जरुरी छे —

1. समयेर बन्दाेबस्त: काम, परिवार आर सामाजिक भेटघाटेर ताने निश्चित समय छुटियाबार जरूरी छे।

2. सकारात्मक सोच: आलोचना  आर कम्पिटिसनरक पर्सनल रूपत नि लिए आत्मविश्वास कायम राख्बा लागे।

3. गोपनीयता: पर्सनल गफ ला सभार सङे बाँटबार से आछा सचिए सम्झिए शेयर करले बुद्धिमानी हबे।

4. सामाजिक बेव्हार: सामाजिक क्षेत्रत नम्र, जिम्मेवार आर आदर्श बेव्हार से मात्रे मान सम्मान कायम रहबे।

5. स्वास्थ्य र मानसिक सन्तुलन: तनाव नियन्त्रण आर अप्नार-देखभाल से जीवनत स्थायित्व आस्बे।

अन्तिमत, पर्सनल आर सामाजिक जीवनेर बीचत सन्तुलन से मात्रे  लाेक लाक सम्मान, शान्ति आर सफलता दिलाबे। मान सम्मान कहले केवल समाजेर दियाल उपाधि नि हए, बरु पर्सनल  चरित्र आर आचरण से कमाल मूल्य हए।