२३ आसिन, विराटनगर ।
बन्दगी सभाक, मुइ अनिल । समयेर सङ सङे हामार भाषा, संस्कृति आर परम्परा ला जाेगाबार बादे हामाक अप्ने आपक अपग्रेड करबार जरूरी छे । हामार आस पासेर समाजर यत्तेक जल्दी बदलिचे कि जदि हामा अल्हा नाया नाया टेक्नाेलाेजीर प्रयाेग सहि ढंङ से नि करिले बहुत पाछु परबार सम्भावना छे । हामार भाषा, संस्कृति आर परम्परा ला जगाबार अभियानत डिजिटलेर माध्यम से पहल करबार हामार एक्टा छट काेसिश हए बन्दगी । हामा तम्हा सभाय जानेची कि कुन्हु भि काम सुरू करबार कत्तेक मुस्किल आर खर्चा छे । कारह सहयाेगेर बिना ते काेइ कुछु करबार आँट नि पाचे । फिर भि हामा आँट करिए आगु बह्रिची । तम्हार सहयाेगेर आशा ते छे मनत लेकिन उहार से पहिले अप्नार काम से तम्हार मन जितबार काेसिश करिची । साथे सहयाेगी मन लाक धन्यबाद दिते तम्हा कुन रूपत सहयाेग दिबा सकबन अप्नार विचार ला शेयर करबा सकेचन । अन्तिमत हामा कहबा चाहेची कि सहयाेग कहले खाली टाका, पैसा मात्रै नि हए । तम्हार लागा कुन्हु किसिमेर सिप छे जदि सिपेर प्रयाेग करिए समाजरक कि याेगदान करबा सकबन उला चिज भि शेयर करले हबे । साथे तम्हार लागा हामार भाषा, संस्कृति आर परम्परा से जुराल कुन्हु किसिमेर डिजिटल कन्टेन्ट, फाेटाे, भिडियाे, लेख आर अप्नार बिचार हामाक पठाबा सकेचन ।

सम्पर्क
अनिल कु. राजवंशी
विराटनगर

Facebook : Anil Rajbanshi