हाल नेपालेर लगातार वर्षार कारण से देशेर बहुत ला ठाउँँ डुबान , पहिराे आर ढलेर जाेखिमत छे । तराइ से लेके पहाडेर जिल्ला तलिक बहुत ला गाउँ पानी ढुकिचे । सरक , पुल आर खेतबारी ला जलमग्न हइचे ।

माैसम विभागेर अनुसार पाछुकार तिन दिना  से देशेर अधिकांश भागत मनसन सक्रिय हइचे ।बिशेस करे काेशी प्रदेश, मधेश प्रदेश, बाग्मती प्रदेश आर लुम्बनी प्रदेशेर जिल्ला लात भिषन बर्षा हइरहल छे । झापा, माेरङ,धनुषा, चितवन , रूपन्देही लगायतेर जिल्ला लात लदी लात पानी भरिचे आर कुच ठाउँत  बस्ती लात भी पानी घसिबार जानकारी प्राप्त हइचे ।

स्थानीय प्रशासनेर अनुसार बहुते घरलात पानी छिरिचे, सरक आवत जावत अबरूध हइचे आर कुच ठाउँवेर लाेक लाक सुरक्षित ठाउँत सारिचे । पुलिस ला खतरापूर्ण ठाउँवेर बासिन्द लामक सर्तक रहबा आर जरूरी परले बगलकार सुरक्षित ठाउँत जाबार अनुराेध करिचे ।

अइनङे  कृषक लार खेतबारी ला ढुबानत परिजाबार अजे से बहुत चिन्तित छे । माैसम पूर्वानुमान महाशाखार अनुसार आर कुच दिना बर्षा हबार सम्भवना जनाइचे आर लाेक लाक बाढी , पहिराे आर डुबानेर जाेखिमपूर्ण ठाउँ लात नि जाबार अनुराेध करिचे ।