बन्दगी सभाके !
मुई अनिल । इर दुई र तीन महिना से जे रुप से हामार समाजेर लोक ला हराइचे । इर गफ कुन्हु पाके भी असल गफ नि हए । कोइ मुसिबतत् परिए हराइचे ते कोइ स्वः इच्छा से नुकाए रहबा सकेचे । मुसिबत परिए हराल लोकेर खोजी हबा लागे इर गफत कुन्हु पाके भी दुइ मत नि । लेकिन जाए स्वः इच्छा से समाजेर नजर से नुकाए छे उला लोक, कुन्हु पाके भि सम्मानेर लायक नि । अम्हा सायद पिस्राए गिचे, जैड समाजेर नजर से नुकाए बेराचे काल्ही मुसिबत परले अइड समाज काम दिबे । हामा नि कहसी कि तम्हा कुन्हा छन ? काहार संङे छन ? कुन अबस्तात छन ? सभाके कहे बेराउ लेकिन कम से कम अप्नार लोक लाक ते जानकारी दिबा सकेचन । जे किसिमेर हो हल्ला हचे कम से कम उर हुलत तम्हार नाम ते नि आस्बे । तम्हार चल्ते जाए बास्तबत मुसिबत परिए हराइचे उला लोकेर खोजि करबार लोक लार मन ड दुबिधा उतपन्न करबार काम करिसन । भाबी दिनत हबा सकेचे तम्हा जैना छन, जहार सङे छन, जे अबस्तात छन कुन्हु कुछु गलत हए जाले यहार जिम्मेबार भि तम्हा स्यमः हबन । कियाय कि तम्हा काक जानकारी दिबे नि करिसन ते काए तम्हाक साथ दिबे ? केनङे के साथ दिबे ? बाकी तम्हार मर्जि । हामा समाजेर नाता से बस ! कहबार यतनाए हक राखेची । अन्तिमत जाए बास्तबत हराइचे कुन्हु मुसिबतत छे उला लोकरे खोजी करी , कोइ देखिचे जदि जानकारी करी । धन्याबात् ।