राजवंशी यानि राजवंशी जाती   नेपाल, भारत आर बङ्लादेशत बसाेबास करबार जाति ला  मधे एक हए । नेपालेर तराइ मधेश क्षेत्रत बिशेश करे झापा, माेरङ आर सुनसरी , भारतेर काेचविहार, जलबाेडी ,आसाम, बिहार आर बङ्लादेशेर रंगपुर क्षेत्रत बिशेश करे बसाेबास करेचे ।

उत्पति आर इतिहासेर हिसाब से राजवंशी शब्देर मतलब राजार वंश हचे । इतिहासकार ला राजवंशी लाक काेच राजवंश, कामतापुर राज्य आर किर्ति काेच सम्राज्यजेर संङे जाेरिए देखेचे। प्राचिनकाल से राजवंशी ला पुर्वी भारत आर नेपालेर तराइ क्षेत्रत शासन कराल इतिहास बहुत ला कागजात आर माैखिक इतिहासेर रूपत छे ।

राजवंशी भाषारक काेच राजवंशी भाषा कहचे । इर भाषा इन्डाे आर्यन भाषा परिवारत परेचे । नेपालत बलिबार राजबंशी भाषा र भारतेर काेच बिहारेर शैलीर संङे बहुत मिलेचे । दैनिक रूपत राजवंशी ला राजवंशी भाषार संङे नेपाली, मैथिली, बंगाली आर हिन्दी भाषार प्रयाेग भि करेचे ।

मरदना ला धुत्ति, गन्जी, गम्छा आर कुरता पिन्हेचे ते तिरमाति ला पेटानी आर छिट पिन्हेचे सांस्कृितक पहिरनेर रूपत । प्रायः राजवंशी ला हिन्दु धर्म मानेचे । थाेर बहुत राजवंशी ला इसाइ धर्म भि मानेचे । दुर्गा पुजा, महाराज थान, कुल देबता आर काली पुजार बिशेश महत्ब छे । बिहा आर मरनेर संस्कार भि राजवंशी लार आन्ला जात से भिन्ने हचे ।